Doodling: Abril

Maramot ang patak ng ulan,
     'pagkat Abril na naman.
Tigang maging ang sementong daanan na
   dati'y lusak ang lupa at tubig ang daanan.
Tiyempong may asembliya 
   ang mga anak-dalitang binaliw ng kawalan.

Sumasayaw.
Umaawit sa di mawaring tinig.
Umiiyak.


Tumatawa
   habang ang madla'y naglalakad,
   patakbo sa kanilang mga pangarap,
   palayo sa kanilang mga pag-ibig,
   patakas sa mundong sakop lagi ng lumbay,
   sa bayang iniwan na ng lumuluhang pag-asa.



Abril na naman.
Sinasalamin ng Maynila -
   ang mga batang nagtu-tumbang preso
   sa gitna ng magulong kalsada.
Nababakas ang walang pagsidlang tawanan.
Walang muwang.
Hupa na ang unos.

Pero hindi -
   ang nag-a-alimpuyong damdamin ng mga manggagawa.
Sinasalamin ng Maynila -
   ang mga pangarap na unti-unting tinatangay
   ng malamlam na ningas ng dilaw na kandila.
Hindi na maabot ng kakarampot ang tuluy-tuloy na pagtaas.

Patuloy ang asembliya -
   kasabay ang dagsa ng mga tao sa masalimuot na Maynila. 

Ngunit -
hindi magkatugma ang agos.

- Tsina

**Salamat sa larawan, Hieri!
***With permission from David

4 comments:

Uy, ko-comment siya. Yesss naman, sana nagustuhan mo ang kwento ko. =)

 

About Me

My Photo
Hey, little stars, shine your brightest!

Follow by Email