Gusto ko i-congratulate ang sarili ko, tuwing lumalapit ka at nakakatingin ako sa'yo ng deretso. O yung nakakasagot pa ako sa mga pang-aasar mo. Feeling ko, ang galing kong artista tuwing nangingitian kita habang may sinasabi ka sa akin. Or yung mga pagkakataon na parang 'wala lang' yung presensya mo para sa akin.
Sabi sa akin dati ni friend, ang transparent ko daw. Nakikita niya raw kasi sa mukha ko kung ano yung nararamdaman ko. Minsan tuloy, gusto ko itanong sa'yo, may nababasa ka ba sa akin? Nakikita mo ba yung pagsimangot ko tuwing pauwi na kayo ng gf mo. Oo naman, alam ko naman na may ka-relasyon ka na. At sa nakakainis na pagkakataon, huli ko na nalaman. Nagbibiruan lang kami ng housemates ko na malamang may ka-live in ka na. Wala nga, pero may gf ka na. At mukha namang happy kayo.
