Galit ako sa'yo..

Hindi kita masyadong nami-miss. Iniisip ko kung dahil nasanay na ba ako na wala ka or wala lang talaga akong kwentang tao? Kapag tinatanong ako kung ano gagawin ko kapag nakita kita, hindi ako sumasagot. Kasi hindi ko naman talaga alam ang gagawin ko. Galit ako sa'yo. Kasi sinira mo ang lahat ng bagay na natitira sa atin. Galit ako sa'yo. Kasi hindi mo man lang ako namis nung nawala ka. Galit ako sa'yo. Kasi hindi kami ang pinili mo.

Ilang taon na ba tayo hindi nagkikita? Alam mo ba na galit ako sa'yo kaya kahit isang text man lang wala ako natatanggap? Hindi naman ako nagbago ng numero. Wala man lang kahit isang Happy Birthday. Alam mo pa kaya kung kailan ang birthday ko?

Kapag nakakapanood ako sa tv ng mga bagay na nagpapaalala sayo, iniisip ko kung bakit hindi ka na lang naging tulad nila. Ayos naman tayo dati, di ba? Alam ko, hindi tayo masyadong close. Sabi mo pa nga, bato kasi ako. Walang emosyon. Siguro kasi, bata pa lang ako, natanggap ko na hindi ako ang paborito mo. Hindi kasi ako sweet, matigas ang ulo ko, hindi kita sinusunod. Pero kahit ganun naman ako, alam mo naman siguro na mahal kita?

Namimis na kita. Namimis ko na kapag pinagluluto mo ako. Namimis ko na kapag ginigising mo ako tuwing umaga. Namimis ko na kapag nagagalit ka sa akin tuwing hindi ako umuuwi ng maaga. Namimis na kita. Pero, ako kaya namimis mo?
Kung naging mabait ba ako, masunurin, at sweet, hindi ka ba sana aalis? Kung pinigilan ba kita, nagpapigil ka kaya?

Sana nandito ka ngayon.

0 comments:

Post a Comment

Uy, ko-comment siya. Yesss naman, sana nagustuhan mo ang kwento ko. =)

 

About Me

My Photo
Hey, little stars, shine your brightest!

Follow by Email