Ang Tuldok sa Bawat Pangungusap

December 20, 2007 Tsina 10 Comments

December 20.
Apat na taon na pala. Apat na taon na mula nung una mong sabihin sa lahat na ako ang pinakaimportanteng tao sa buhay mo.

Unti-unti nang binura ng panahon ang lahat ng pangako.

Ako din.

Nalimot ko na ang daan pabalik sa'yo.

Hindi ko na kabisado ang bawat paghinga mo.

Tapos na.

Ikaw sa akin. At ako sa'yo.

***

Para Sa'yo at Para sa Akin..


Sa iyong paglisan,
Hayaan mong tangayin ng hangin ang mga pansamantalang pagsasamang pinagbigyan ng pagkakataon.
Sa mga sandaling tuluyan ka nang tumalikod sa isang pangakong matagal nang inanod sa malawak na kaparangan, hayaan mong habiin ko muna ang mga pangarap na nababanaag sa kumikislap mong mata.

Sa iyong paglisan,
hayaan mo akong magtampisaw sumandali sa huling mga pag-uulayaw ng mga bituin sa gabing tanging mahihinang buntunghininga ang maririnig.

Sa iyong paglisan,
tuluyan mo ng bitiwan ang puso kong naupos sa paulit-ulit na pagtalikod sa mga salitang minsan nang nagbigkis sa mga damdaming lipos ng pagmamahal.

Hahayaan ko nang burahin ng malakas na ulan ang mga natitira mong ala-ala.

***

Totoo nga, hindi ko na kayang pahabain pa ang pangungusap na nabuo, sobra-sobra na ang mga nailagay ko na punctuation marks. Hindi na kayang dalhin ng mga comma, semi-colon, at colon ang ugnayan ng mga salita.

Hindi na.

10 comments:

Uy, ko-comment siya. Yesss naman, sana nagustuhan mo ang kwento ko. =)